Bwana
Yesu Asifiwe Watu wa Mungu!!!
Nimeona
ni vyema nielezee kwa jinsi ya rohoni ajali ya Singida. Inawezekana na ndivyo
watu wengi watakavyosema kuwa ni uzembe wa madereva ndio uliosababisha ajali,
kwa jinsi ya kimwili ndivyo ilivyo na kama hauwezi kuitazama rohoni basi
utaishia kuona uzembe wa madereva na roho za watu zitazidi kupotea kila siku
kwa ajali za ajabu ajabu!!!
Lakini
kwa jinsi ya rohoni kwa upande wa giza “kuzimu” ajali hizi hutengenezwa ili
kupeleka kafara huko kuzimu, na ili ajali itokee lazima kupatikane sababu ya
kimwili itakayoleta hiyo ajali yaani lazima kutengenezwe mtego kama Neno la
Mungu linavyosema katika YEREMIA 5:26 “Maana katika watu wangu wameonekana watu
waovu; huotea kama vile watu wategao mitego; hutega mtego, na kunasa watu.”
Sasa
kumbe kuna watu wanotega mitego ili kunasa watu. Sababu ya kunasa watu ni
kuchukua roho za hao watu kabla ya wakati wa Mungu kuwachukua haujafika kama
tunavyosoma katika kitabu cha EZEKIEL 13:18-19
“18 useme, Bwana MUNGU asema hivi; Ole wao wanawake wale, washonao hirizi
katika viungo vyote vya mikono, wawekao leso juu ya vichwa vya kila kimo, ili
wawinde roho za watu; je! Mtaziwinda roho za watu wangu, na kuzihifadhi hai
roho zenu wenyewe? 19 Nanyi mmeninajisi kati ya watu wangu, kwa ajili ya
makonzi ya shayiri na vipande vya mkate, ili kuziua roho za watu ambao
haiwapasi kufa, na kuzihifadhi hai roho za watu ambao haikuwapasa kuwa hai, kwa
kuwaambia uongo watu wangu wasikilizao uongo.”
Neno
la Mungu linatufundisha wazi kuwa shetani anatafuta watu kwa kasi kubwa kwani
anajua wakati wake ni mfupi sana hapa duniani. Sasa ni wakati wa kusimama na
kuwapiga wachawi wote wanaosababisha ajali Tanzania kwa Jina la YESU KRISTO
kwakuwa Mungu (JEHOVA) amesema yuko kinyume cha hao wanaochukua roho za watu
(Ezekiel 13:20-21 “20 Basi Bwana MUNGU asema hivi; Tazama, mimi ni kinyume cha
hirizi zenu, ambazo kwa hizo mnaziwinda roho za watu kama ndege, nami nitazitoa
katika mikono yenu kwa nguvu; nami nitaziachilia roho zile mnazoziwinda kama
ndege. 21 Na leso zenu nazo nitazirarua, na kuwaokoa watu wangu katika mikono
yenu, wala hawatakuwa katika mikono yenu tena kuwindwa; nanyi mtajua ya kuwa
mimi ndimi Bwana.”)
*****
Samson Mollel – www.uzimawamileleministries.blogspot.com
*******
