UTANGULIZI
Kumekuwa na mitazamo mingi ya tofauti tofauti
ya namna ya kushughulikia matatizo sugu ambayo yamewakabili watoto wa Mungu kwa
muda mrefu sana. Kuna watu wametaka kutoka katika umasikini kwa muda mrefu
lakini hawajatoka mpaka sasa na hawajui tatizo limekaa wapi, wengine wametaka
kutoka katika matatizo ya ndoa, wengine wametaka kuoa au kuolewa lakini mambo
hayo yameshindikana kabisa hata kwa kufunga na kuomba hawajaweza kutoka katika
matatizo hayo na mpaka sasa hawana majibu ya matatizo yao. Kuna watu familia
zao zimekuwa na vifo vya kutatanisha au vya ghafla, wengine wamekuwa na
magonjwa ya kutisha kutoka kizazi hadi kizazi na hata sasa hawana majibu ya
maswali yao.
Matatizo sugu huwa chanzo chake na hayatokei
pasipo chanzo/sababu. Chanzo au msingi wa matatizo sugu ni kuvunjika kwa
makubaliano (maagano/mikataba) yaliyoingiwa na pande mbili au zaidi, anayevunja
makubaliano anaingia kwenye matatizo ambayo ni matokeo yaliyokubaliwa (kwa
kujua au bila kujua) wakati wa kufunga mkataba/mikataba hiyo (Kumbukumbu 28:15-68 “15 Lakini itakuwa usipotaka kuisikiza sauti
ya Bwana, Mungu wako, usiyaangalie kufanya maagizo yake yote na amri zake,
nikuagizazo hivi leo, ndipo zitakapokujia laana hizi zote na kukupata…………..”).
Kwa utaratibu na sheria za kiroho mikataba/maagano hayo hufanyika katika
madhabahu ambazo ndio kiunganishi kati ya ulimwengu wa mwili na ulimwengu wa
roho alkini madhabahu hizi huonekana kwa macho ya kibinadamu (kwakuwa hujengwa
katika ardhi)
Kwa kawaida ardhi inayo uwezo wa kunakili
(kuweka kumbukumbu ya matukio yanayofanyika juu yake, na pale yanapohitajika
ardhi huyatoa na kuonekana tena kama vile yametokea leo), mambo hayo ardhi
inayonakili na kuweka kumbukumbu yanaweza kuwa yamefanyika kwenye madhabahu au
kwa nguvu ya manuizio ya namna yoyote (mazuru au mabaya). Hivyo ardhi inaweza
kukaa na jambo likisubiria muda na wakati uliopangwa kulitimiliza katika maisha
ya mtu/jamaa Fulani. Yeremia
22:29-30“29 Ee
nchi, nchi, nchi, lisikie neno la Bwana. 30 Bwana asema hivi, Andikeni habari
za mtu huyu kwamba hana watoto, kwamba mtu huyu hatafanikiwa siku zake zote;
maana hapana mtu katika wazao wake atakayefanikiwa, akiketi katika kiti cha
enzi cha Daudi, na kutawala tena katika Yuda.”
Sasa basi kama ukivunja madhabahu ya
familia/ukoo wako na kuacha kushughulikia mambo yalihifadhiwa na ardhi ni
hakika kuwa utabaki ukijiuliza kila siku mbona tatizo sugu haliishi katika
maisha yako, ni lazima mambo yaliyo katika ardhi yatolewa kwa toba hadi yaachie
kabisa maisha yako.
Vilevile unaweza kushughulika na ardhi na
madhabahu lakini ukasahau kuwa kuna vitabu vya kuzimu ambavyo huweka kumbukumbu
ili mapepo yaweze kufuatilia uovu kutoka
kizazi hadi kizazi, hizi huitwa hati za mashitaka ambazo makatibu wa wachawi
hundika huko kuzimu.
Ndugu unayeteswa na matatizo sugu; yapo
maeneo manne (4) ambayo lazima uyafahamu vizuri na kuyashughulikia kwa uhakika
ili kuyamaliza matatizo sugu yaliyofunga maisha yako; maeneo hayo ni pamoja na
Madhabahu, Ardhi, Vitabu/hati za mashitaka na mbingu.
MADHABAHU
Madhabahu
ni nini?
Ni daraja la kuunganisha kati
ya ulimwengu wa roho (wa Mungu au shetani) na ulimwengu wa mwili, mara zote
madhabahu ni kitu ambacho huonekana au hushikika katika ulimwengu wa mwili
kwakuwa madhabahu hujengwa kwa mikono ya wanadamu, hata hivyo nguvu yake
huonekana zaidi katika ulimwengu wa roho
Kuna aina 2 za madhabahu,
Madhabahu ya Mungu Jehova (ya Nuru) na madhabahu ya shetani (ya giza),
madhabahu iwe ya nuru au ya giza sheria zake zinafanana sana.
Madhabahu
ya Mungu Jehova
Ili kuwepo na mawasiliano
yasikatika katika ya ulimwengu wa roho na uliwengu wa mwili ni lazima kuwe na
chombo kinacho hakikisha mawasiliano hayo hayakatiki na chombo hicho ni
madhabahu, watu/watumishi wa Mungu katika Biblia walianza kwa kujenga madhabahu
ili kuweka namna nzuri ya kuwasiliana na Mungu. Hebu tazama mifano michache ya
watu waliomjengea Jehova madhabahu katika Biblia
NUHU:-
Mwanzo 8:20 “Nuhu
akamjengea Bwana madhabahu; akatwaa katika kila mnyama aliye safi, na katika
kila ndege aliye safi, akavitoa sadaka za kuteketezwa juu ya madhabahu.”
MUSA:-
Kutoka 17:15 “Musa
akajenga madhabahu, akaiita jina lake Yehova-nisi;”
YOSHUA:-
Yoshua 8:30 “Ndipo
Yoshua alijenga madhabahu kwa Bwana, Mungu wa Israeli katika mlima Ebali.”
GIDEONI:-
Waamuzi 6:24 “Ndipo
Gideoni akamjengea Bwana madhabahu hapo, akaiita jina lake, Yehova-Shalomu;
hata hivi leo iko huko katika Ofra ya Waabiezeri.”
SAMWELI:-
1Samweli 7:17 “Na
kurudi kwake kulikuwa mpaka Rama; maana ndipo ilipokuwa nyumba yake; nako ndiko
alikowaamua Israeli; na huko akamjengea Bwana madhabahu.”
Kwahiyo tunajifunza kuwa
madhabahu haijileti yenyewe inajengwa na watu na hivyo hivyo ikitakiwa
kubomolewa hubomolewa na watu, hapa tumewaona watumishi wa Mungu ambao ni Nuhu,
Musa, Samweli na Gideoni wakimjengea Jehova madhabahu.
Madhabahu
ya ibilisi/shetani
Kama nilivyosema hapo awali
sheria za ulimwengu wa roho zinafanana sana, vilevile shetani na watumishi wake
wana madhabahu ambayo hutumia kupitisha mambo mabaya/maovu kutoka katika
ulimwengu wa roho (giza) kuingia katika ulimwengu wa mwili, mambo haya ndio
yale matokeo ya kukataa agano ambalo shetani amefunga na mababu na mabibi miaka
mingi iliyopita. Kwa kuvunja agano lililofanyika katika madhabahu ya ibilisi
laana na mikosi, magonjwa ya kila namna humpata mtu. Baadhi ya mifano ya
madhabahu za shetani ni:-
Madhabahu
ya Mwamori, na Mkanaani, na Mhiti, na Mperizi, na Mhivi, na Myebusi
Kutoka
34:11-13 “11 Liangalie neno
hili ninalokuamuru leo; tazama, mbele yako namtoa Mwamori, na Mkanaani, na
Mhiti, na Mperizi, na Mhivi, na Myebusi. 12 Ujihadhari nafsi yako, usije
ukafanya agano na wenyeji wa nchi ile unayoiendea, lisiwe mtego katikati yako.
13 Bali utabomoa madhabahu zao, na kuvunja-vunja nguzo zao, na kuyakata-kata
maashera yao.”
Mungu anawaagiza wana wa
Israeli wasifanye maagano na wenyeji bali wabomoe madhabahu zao kwani matatizo
ili yakupate lazima yatokee katika madhabahu.
Kumb
12:2-3 “2 Vunjeni kabisa
mahali pote walipokuwa wakiitumikia miungu yao mataifa mtakayoyamiliki, juu ya
milima mirefu, na juu ya vilima, na chini ya kila mti wenye majani mabichi; 3
nanyi zivunjeni madhabahu zao, zibomoeni nguzo zao, na maashera yao
yateketezeni kwa moto, na sanamu za kuchonga za miungu yao zikateni; na jina
lao lifutilieni mbali na mahali hapo.”
MAMBO
MUHIMU YANAYOUNDA MADHABAHU
Ili uweze kushughulikia tatizo
sugu lililoshikiliwa kwenye madhabahu ni lazima ufahamu vizuri kuwa madhabahu
sio jina pekee bali ni muunganiko wa mambo sita (6) ambayo hayo yanafanya
madhabahu kuwepo na kuwa na nguvu, mambo hayo ni kama yafuatayo:-
1.
Madhabahu
yenyewe
2.
Kuhani
wa madhabahu
3.
Kafara
ya madhabahu
4.
Washirika
wa madhabahu
5.
Mungu
wa madhabahu
6.
Nguvu
ya madhabahu
1.
Madhabahu
yenyewe
Madhabahu hujengwa na watu kwa
kusudi la kufanya ibada kwa Mungu wanaye mwamini. Kwa kawaida kila
mwanadamuanaamini kuwepo kwa nguvu ambayo ni kubwa kuliko nguvu ya kibinadamu
(existence of super natural power). Ili kuwasiliana na nguvu hii mwanadamu
inambidi kutengeneza utaratibu wa kuifikia nguvu hiyo (kujenga madhabahu). Iwe
ni kwa upande wa nuru au giza madhabahu lazima ijengwe kwa jinsi ya mwili kabisa.
Eliya alijenga madhabahu ya Bwana (1Wafalme
18: 32 “Naye akaijenga madhabahu kwa mawe hayo katika jina la Bwana; akafanya
mfereji, kama wa vipimo viwili vya mbegu, ukiizunguka madhabahu”)
Vilevile makuhani wa shetani
nao hujenga madhabahu 1Wafalme 16:33
“Ahabu akaifanya Ashera; Ahabu akazidi
kumghadhibisha Bwana, Mungu wa Israeli, kuliko wafalme wote wa Israeli
waliomtangulia.”
Ninachotaka ufahamu hapa ni
kwamba madhabahu hujengwa kwa jinsi ya mwilini iwe ya Jehova au ya miungu.
2.
Kuhani
wa madhabahu
Kuhani wa madhabahu ni mtu
anayejua taratibu za madhabahu na mwenye uwezo(nafasi au cheo kilichokubalika)
wa kuleta vitu vya kiroho (Baraka au laana) kutoka ulimwengu wa roho kuingiza
katika ulimwengu wa mwili na kutoa vitu (sadaka/kafara/manuizio) kutoka katika ulimwengu wa mwili kwenda katika ulimwengu wa
roho
a.
Makuhani
wa Jehova
Katika uliwengu wa nuru kuhani
ni mtu yoyote aliyempokea Yesu na kuzishika amri zake (Ufunuo 5:10 “ukawafanya kuwa
ufalme na makuhani kwa Mungu wetu; nao wanamiliki juu ya nchi.” Vilevile
kuhani anaweza kuwa mtu yoyote aliyejifunza taratibu za kiibada yak i-Mungu
kama mchungaji, shemasi, mwinjilisti, askofu, paroko n.k. mfano katika Biblia
tunamuona Melkizedeki alikuwa kuhani wa Jehova.
Mwanzo
14:18 “Na Melkizedeki
mfalme wa Salemu akaleta mkate na divai, naye alikuwa kuhani wa Mungu Aliye juu
sana.”
b.
Kuhani
wa madhabahu za kishetani
Katika ulimwengu wa giza kuhani
ni mtu yoyote ambaye anamtumikia shetani kwa kujua au bila kujua kwa lengo la
kuleta uharibifu, nasema kwa kujua au bila kujua kwani kuna watu wanaitumikia
mizimu ya nyumbani kwao wakidhani wanafanya kawaida kama walivyofanya baba na
babu zao (mfano kuchinja kila mwaka, kuomba kwenye makaburi), lakini bila wao
kujua kuwa wameshakabidhiwa ukuhani wa madhabahu za kishetani. Watu hawa huja
kushtuka pale mambo yanapowaendea vibaya kwa kukiuka kanuni za kimadhabahu bila
wao kujua. Mfano wa makuhani wa madhabahu za kishetani katika biblia ni
makuhani wa dagoni na baali.
1
Samweli 5:5 “Kwa hiyo
makuhani wa Dagoni, na mtu awaye yote aingiaye nyumbani mwa Dagoni, hawakanyagi
kizingiti cha nyumba ya Dagoni huko Ashdodi, hata leo.”
1Wafalme
18:25-26 “25 Eliya akawaambia
manabii wa Baali, Jichagulieni ng'ombe mmoja, mkamtengeze kwanza; maana ninyi
ndio wengi; mkaliitie jina la mungu wenu, wala msitie moto chini. 26 Wakamtwaa
yule ng'ombe waliyepewa, wakamtengeza, wakaliitia jina la Baali tangu asubuhi
hata adhuhuri, wakisema, Ee Baali, utusikie. Lakini hapakuwa na sauti, wala
aliyejibu. Nao wakaruka-ruka juu ya madhabahu waliyoifanya.”
3.
Kafara/sadaka
ya madhabahu
Madhabahu haiwezi kukamilika
kama hakuna kafara kwasababu kila mungu/Mungu wa madhabahu huhitaji kafara.
Haijalishi uko upande gani lazima unapoenda madhabahuni uende na kafara/sadaka.
a.
Kafara
katika madhabahu ya Jehova
Katika agano la kale kafara
iliyotolewa ilikuwa ni mfahali na mbuzi na kondoo na wanyama na ndege, lakini
katika agano jipya Yesu Kristo ndiye kafara/sadaka katika madhabahu ya Jehova.
Walawi
2:2
“kisha atauleta kwa wana wa Haruni, hao
makuhani; naye atatwaa konzi moja katika huo unga mwembamba, na katika mafuta
yake, na huo ubani wote; kisha kuhani atauteketeza kuwa ndio ukumbusho wake juu
ya madhabahu, ni kafara ya kusongezwa kwa njia ya moto, ya harufu ya kupendeza
kwa Bwana;”
Zaburi
50:8
“Sitakukemea kwa ajili ya dhabihu zako,
Na kafara zako ziko mbele zangu daima.”
Waebrania
9:27-28 “27 Na kama vile watu
wanavyowekewa kufa mara moja, na baada ya kufa hukumu; 28 kadhalika Kristo
naye, akiisha kutolewa sadaka mara moja azichukue dhambi za watu wengi;
atatokea mara ya pili, pasipo dhambi, kwa hao wamtazamiao kwa wokovu.”
b.
Kafara
kwenye madhabahu ya kishetani
Madhabahu za shetani nazo
zinadai kafara, hata kama unaiona mdhabahu ni ya kinyago katika macho ya damu
na nyama lakini katika ulimwengu wa roho hiyo sanamu inawakilisha mungu wa
kipepo na anadai sadaka kila wanapoenda kufanya ibada kwake (hizi ki-Biblia
huitwa ibada za sanamu)
Zaburi
106:36-38 “36 Wakazitumikia
sanamu zao, Nazo zikawa mtego kwao. 37 Naam, walitoa wana wao na binti zao Kuwa
dhabihu kwa mashetani. 38 Wakamwaga damu isiyo na hatia, Damu ya wana wao na
binti zao, Waliowatoa dhabihu kwa sanamu za Kanaani; Nchi ikatiwa unajisi kwa
damu.”
Matendo
15:29 “yaani, mjiepushe na
vitu vilivyotolewa sadaka kwa sanamu, na damu, na nyama zilizosongolewa, na
uasherati. Mkijizuia na hayo, mtafanya vema. Wasalamu”
4.
Washirika
wa madhabahu
Washirika wa madhabahu ni watu
muhimu sana kwenye madhabahu, ni vigumu sana kuwa na madhabahu ambayo haina
washirika. Iwe ni ya Jehova au ya ibilisi, madhabahu lazima iwe na washirika
ambao wanaamini au wameaminishwa kwa habari ya mungu/Mungu wa madhabahu hiyo.
c.
Washirika
wa madhabahu ya Jehova
Kama ilivyo hata sasa wewe
unayesoma inawezekana kabisa ni mshirika wa kanisa Fulani ambalo linamuabudu
Jehova; hii haikuanza leo kwani Mungu anakaiwada ya kujitengea watu wa
kumuabudu (washirika) ambao wapo tayari kumuabudu yeye Jehova peke yake. Eliya
alifahamu umuhimu wa kuwa na washirika ndio maana aliojiona yupo mwenyewe
alikata tama.
1Wafalme 19:9-10 “9
Akafika kunako pango, akalala ndani yake. Na tazama, neno la Bwana likamjia,
naye akamwambia, Unafanya nini hapa, Eliya? 10 Akasema, Nimeona wivu mwingi kwa
ajili ya Bwana Mungu wa majeshi; kwa kuwa wana wa Israeli wameyaacha maagano
yako, na kuzivunja madhabahu zako, na kuwaua manabii wako kwa upanga; nami
nimesalia, mimi peke yangu; nao wanitafuta roho yangu, waiondoe.”
Mungu anamtoa Eliya hofu
na kumwambia kuwa amejisazia washirika wake 1Wafalme 19:18 “Pamoja na
hayo nitajisazia katika Israeli watu elfu saba, kila goti lisilomwinamia Baali,
na kila kinywa kisichombusu.”
Katika agano jipya
tunaona Mungu akisema kwa habari ya washirika/ushirika katika Kristo Yesu
1Wakorintho 1:9 “Mungu ni
mwaminifu ambaye mliitwa na yeye mwingie katika ushirika wa Mwanawe, Yesu
Kristo Bwana wetu.”
1Wakorintho 10:18 “Waangalieni
hao Waisraeli walivyokuwa kwa jinsi ya mwili; wale wazilao dhabihu, je! Hawana
shirika na madhabahu?”
Waebrania 3:14 “Kwa
maana tumekuwa washirika wa Kristo, kama tukishikamana na mwanzo wa uthabiti
wetu kwa nguvu mpaka mwisho;”
d. Washirika wa madhabahu za kishetani
Kama vile wewe ulivyo ni
mshirika wa kanisa fulani vivyo hivyo kila madhabahu ya kishetani inayo
washirika wake. Hawa ni watu hatari sana, kwakuwa matatizo yote huanzia kwenye
madhabahu za kishetani, wanao peleka jina lako/kazi yako/ndoa yako/elimu yako
n.k ni washirika wa madhabahu ili lijadiliwe kwa lengo la kuharibu maisha yako.
Washirika wa madhabahu
ya kishetani mara zote ni watu wako wa karibu kama vile Delila alivyokuwa
karibu na Samsoni (Waamuzi 16:5 “Nao wakuu wa Wafilisti wakamwendea,
wakamwambia, Mbembeleze, upate kujua asili ya nguvu zake nyingi, na jinsi
tutakavyoweza kumshinda, tupate kumfunga na kumtesa; nasi tutakupa kila mtu
fedha elfu na mia moja.”)
Mathayo 10:36 “na adui
za mtu ni wale wa nyumbani mwake.” Na Mika
7:5-6 “5 Msimwamini rafiki, msimwekee
kiongozi tumaini; ilinde milango ya midomo ya kinywa chako ili mkeo alalaye
kifuani mwako asijue habari. 6 Kwa maana mwana humwaibisha babaye, na binti
huondoka ashindane na mamaye; na mwanamke aliyeolewa hushindana na mavyaaye;
adui za mtu ni watu wa nyumbani mwake mwenyewe.”
5.
Mungu
wa madhabahu
Neno “mungu” ni nafasi au cheo
kama ilivyo kwa Rais. Kwa maana hiyo unapotaja jina la mungu inakubidi uainishe
ni mungu yupi unayemtaja.
a.
Mungu
Wa Madhabahu (Jehova)
Kutoka
6:1-3 “1 Bwana akamwambia
Musa, Sasa utaona nitakavyomtenda Farao; maana kwa mkono hodari atawapa ruhusa
kwenda zao, na kwa mkono hodari atawafukuza katika nchi yake. 2 Kisha Mungu
akasema na Musa, akamwambia, Mimi ni YEHOVA; 3 nami nilimtokea Ibrahimu, na
Isaka, na Yakobo, kama Mungu Mwenyezi, bali kwa jina langu YEHOVA sikujulikana
kwao.”
Utaona kuwa kila Mungu
aliwatokea watumishi wake walimjengea madhabahu, huyo ndiye Mungu wa madhabahu
aliyoijenga Nuhu, Musa, Eliya, Ibrahim na watumishi wengine wa Jehova
b.
mungu
wa madhabahu za kishetani
shetani ndiye mungu wa
madhabahu za wachawi, waganga wa kienyeji, wasoma nyota, wapiga ramli, wasihiri
na mawakala wote wa mauti.
2Kor
4:4
“ambao ndani yao mungu wa dunia hii
amepofusha fikira zao wasioamini, isiwazukie nuru ya injili ya utukufu wake
Kristo aliye sura yake Mungu.”
1Wafalme
16:32 “31 Ikawa, kama
ingalikuwa neno dogo tu kuyaendea makosa ya Yeroboamu mwana wa Nebati, akamwoa
Yezebeli binti Ethbaali, mfalme wa Wasidoni, akaenda akamtumikia Baali, akamsujudia.
32 Akamjengea Baali madhabahu katika nyumba ya Baali, aliyoijenga huko
Samaria.”
6.
NGUVU
YA MADHABAHU
Nguvu ya madhabahu inategemea
mambo yote yanayounda madhabahu yaani Madhabahu yenyewe, Kuhani wa madhabahu,
Kafara ya madhabahu, Washirika wa madhabahu na Mungu wa madhabahu.
Nguvu ya madhabahu hupatikana
pale ambapo vitu vyote vinavyounda madhabahu vimefanyika au vimefanywa ipasavyo
ndipo utapata matokeo (nguvu) ya madhabahu hiyo.
Tuutazame
mfano wa wa nabii Eliya na manabii wa baali
1Wafalme
18:21-40 “21
Naye Eliya akawakaribia watu wote, akanena, Mtasita-sita katikati ya mawazo
mawili hata lini? Bwana akiwa ndiye Mungu, mfuateni; bali ikiwa Baali ni Mungu,
haya! Mfuateni yeye. Wale watu hawakumjibu neno. 22 Ndipo Eliya akawaambia
watu, Mimi nimesalia, mimi peke yangu, nabii wa Bwana; lakini manabii wa Baali
ni watu mia nne na hamsini. 23 Kwa hiyo na watutolee ng'ombe wawili; wao na
wajichagulie ng'ombe mmoja, wamkate-kate na kumweka juu ya kuni, wasitie moto
chini; nami nitamtengeza huyo ng'ombe wa pili, na kumweka juu ya kuni, wala
sitatia moto chini. 24 Nanyi ombeni kwa jina la mungu wenu, nami nitaomba kwa
jina la Bwana; na Mungu yule ajibuye kwa moto, na awe ndiye Mungu. Watu wote
wakajibu wakasema, Maneno haya ni mazuri.………….. 26 Wakamtwaa yule ng'ombe
waliyepewa, wakamtengeza, wakaliitia jina la Baali tangu asubuhi hata adhuhuri,
wakisema, Ee Baali, utusikie. Lakini hapakuwa na sauti, wala aliyejibu. Nao
wakaruka-ruka juu ya madhabahu waliyoifanya……………. 28 Wakapiga kelele,
wakajikata-kata kwa visu na vyembe kama ilivyo desturi yao, hata damu
ikawachuruzika. 29 Ikawa, wakati wa adhuhuri ulipopita, walitabiri hata wakati
wa kutoa dhabihu ya jioni; lakini hapakuwa na sauti, wala aliyejibu, wala
aliyeangalia………….. 32 Naye akaijenga madhabahu kwa mawe hayo katika jina la
Bwana; akafanya mfereji, kama wa vipimo viwili vya mbegu, ukiizunguka
madhabahu.…………... 36 Ikawa, wakati wa kutoa dhabihu ya jioni, Eliya nabii
akakaribia, akasema, Ee Bwana, Mungu wa Ibrahimu, na wa Isaka, na wa Israeli,
na ijulikane leo ya kuwa wewe ndiwe Mungu katika Israeli, na ya kuwa mimi ni
mtumishi wako, na ya kuwa nimefanya mambo haya yote kwa neno lako. 37 Unisikie,
Ee Bwana, unisikie, ili watu hawa wajue ya kuwa wewe, Bwana, ndiwe Mungu, na ya
kuwa wewe umewageuza moyo wakurudie. 38 Ndipo moto wa Bwana ukashuka,
ukaiteketeza sadaka ya kuteketezwa, na kuni, na mawe, na mavumbi, ukayaramba
yale maji yaliyokuwamo katika mfereji. 39 Na watu wote walipoona, wakaanguka
kifudifudi; wakasema, Bwana ndiye Mungu, Bwana ndiye Mungu. 40 Eliya
akawaambia, Wakamateni hao manabii wa Baali, asiokoke hata mmoja. Wakawakamata;
na Eliya akawachukua mpaka kijito cha Kishoni, akawaua huko.”
Tunachokiona hapa ni nguvu ya
Jehova ilivyokubwa kuliko nguvu ya mungu baali (ibilisi). Hawa manabii wa baali
mpaka walipoamua kukubaliana na wazo la Eliya kwamba Mungu atakayeshusha moto
na awe ndiye Mungu ina maana waliamini kuwa mungu (baali) anazo nguvu na tayari
manabii wa baali walishawahi kumuona baali akishusha moto wakati fulani ndio
maana wakakubaliana haraka haraka. Hata hivyo hasira za BWANA zinapowaka hakuna
miungu inayoweza kujihudhurisha mahali alipo BWANA hivyo nguvu ya mungu baali
ilinyamazishwa mara moja. Neno la Mungu linatufundisha kuwa “Mara moja amenena Mungu; Mara mbili
nimeyasikia haya, Ya kuwa nguvu zina Mungu” Zaburi 62:11. Nguvu za kweli na uweza unatoka kwa Jehova kwakuwa
yeye ndio chanzo cha nguvu, hata nguvu alizonazo shetani (mungu wa dunia hii)
alizipata kutoka kwa Jehova kwakuwa aliumbwa pia.
MAMBO
AMBAYO MADHABAHU INAFANYA
Kama nilivyotangulia kusema
kuwa madhabahu ni daraja katika ya ulimwengu wa roho na ulimwengu wa mwili,
sasa katika kutengeneza muungano huo kutoka rohoni kuja mwilini na kutoka
mwilini kwenda rohoni, kuna mambo ambayo madhabahu inayafanya kama ifuatavyo:-
1.
Inaleta
zile roho zilizoabudiwa na zinachanganyika na dhabihu/ kafara/ sadaka
Wana wa Israeli walipokuwa
wanakaribia kuingia nchi ya Moabu, Mfalme wa Moabu (Balaki) alitafuta namna ya
kuwalaani (kuwaloga) wana wa Israeli kwa nijia mbalimbali lakini hakufanikiwa
hata akamtumia kuhani wa Mungu wa kweli (Balaamu) ambaye alirubuniwa kwa ujira
wa uganga kuwalaani Israeli lakini hakufanikiwa kabisa kuwalaani Israeli
(Hesabu 22:1-41).
Baada ya kushindwa kuwapiga
Israeli kwa njia ya kutoa sadaka kwa mashetani, ndipo alipotumia mbinu nyingine
(ONGEZA UMAKINI HAPA MPENDWA MSOMAJI).
Balaamu akachukua vyakula (wanyama) wakavifanyia ibada na kuvitoa kama sadaka
kwa shetani na zile roho za madhabahu za kishetani zikaingia ndani ya zile
sadaka/dhabihu/kafara yaani zile roho zikachanganyika na ile sadaka, baada ya kufanya hayo Balaamu
na Balaki wakawapa Israeli kile chakula (ambacho kilitolewa kama sadaka katika
madhabahu ya shetani) na Israeli wakakila bila ya kujua tayari walikuwa
wanakula vyakula vya kiibada Hesabu
25:1-3 “1 Basi Israeli akakaa
Shitimu, kisha watu wakaanza kuzini pamoja na wanawake wa Moabu; 2 kwa kuwa
waliwaalika hao watu waende sadakani, sadaka walizowachinjia miungu yao; watu
wakala chakula, wakaisujudu hiyo miungu yao. 3 Ikawa Israeli kujiungamanisha na
Baal-peori; hasira za Bwana zikawaka juu ya Israeli.” Vilevile kwa habari
hii tunasoma katika Ufunuo 2:12-15 “12 Na kwa
malaika wa kanisa lililoko Pergamo andika; Haya ndiyo anenayo yeye aliye na huo
upanga mkali, wenye makali kuwili. 13 Napajua ukaapo, ndipo penye kiti cha enzi
cha Shetani; nawe walishika sana jina langu, wala hukuikana imani yangu, hata
katika siku za Antipa shahidi wangu, mwaminifu wangu, aliyeuawa kati yenu, hapo
akaapo Shetani. 14 Lakini ninayo maneno machache juu yako, kwa kuwa unao huko
watu washikao mafundisho ya Balaamu, yeye
aliyemfundisha Balaki atie ukwazo mbele ya Waisraeli, kwamba wavile vitu
vilivyotolewa sadaka kwa sanamu, na kuzini. 15 Vivyo hivyo wewe nawe unao
watu wayashikao mafundisho ya Wanikolai vile vile.”
Kwa sababu hiyo Israeli
wakamchukiza Mungu kwani walikula vyakula vilivyotolewa sadaka kwa mashetani.
Unapokula chakula ambacho kimetolewa sadaka kwa mashetani unamtia Mungu
(Jehova) wivu kwakuwa unakuwa umeshiriki ibada za kishetani moja kwa moja hata
kama hukufahamu, habari hii ya Balaamu na Balaki tunzidi kuiona katika 1Korintho 10:14-22 “14 Kwa ajili ya hayo, wapenzi wangu, ikimbieni ibada ya sanamu. 15
Nasema kama na watu wenye akili; lifikirini ninyi ninenalo. 16 Kikombe kile cha
baraka tukibarikicho, je! Si ushirika wa damu ya Kristo? Mkate ule tuumegao, si
ushirika wa mwili wa Kristo? 17 Kwa kuwa mkate ni mmoja, sisi tulio wengi tu
mwili mmoja; kwa maana sisi sote twapokea sehemu ya ule mkate mmoja. 18
Waangalieni hao Waisraeli walivyokuwa kwa jinsi ya mwili; wale wazilao dhabihu,
je! Hawana shirika na madhabahu? 19 Basi niseme nini? Ya kwamba kile
kilichotolewa sadaka kwa sanamu ni kitu? Au ya kwamba sanamu ni kitu? 20 Sivyo,
lakini vitu vile wavitoavyo sadaka
wavitoa kwa mashetani, wala si kwa Mungu; nami sipendi ninyi kushirikiana na
mashetani. Hamwezi kunywea kikombe cha Bwana na kikombe cha mashetani. 21
Hamwezi kushirikiana katika meza ya Bwana na katika meza ya mashetani. 22 Au
twamtia Bwana wivu? Je! Tuna nguvu zaidi ya yeye?” kwa sababu hii mtu wa
Mungu ndio maana kabla ya kula chochote ni muhimu sana kuomba na kutakasa
chakula unachokula kwa Neno la Mungu
2.
Inaleta
zile roho zilizoabudiwa zinamiliki ardhi ya eneo ambalo madhabahu inakaa
Madhabahu
inapokaa mahali inaleta zile roho zilizoabudiwa/zinazoabudiwa kumiliki ardhi ya
mahali ilipo madhabahu hata kama aliyejenga/waliojenga madhabahu hiyo hawapo
hapo. Kama wewe ni msomaji wa Biblia utakumbuka habari ya Ibrahimu alipomjengea
Bwana madhabahu na kuita mahali pale Betheli Mwanzo 12:6-8 “6 Abramu
akapita katikati ya nchi mpaka mahali patakatifu pa Shekemu; mpaka mwaloni wa
More. Na Wakanaani siku zile walikaa katika nchi hiyo. 7 Bwana akamtokea
Abramu, akasema, Uzao wako nitawapa nchi hii. Naye huko akamjengea madhabahu
Bwana aliyemtokea. 8 Kisha akaondoka
huko akaenda mpaka mlima ulio upande wa mashariki wa Betheli, akaipiga hema
yake; alikuwa na Betheli upande wa magharibi, na Ai upande wa mashariki,
akamjengea Bwana madhabahu huko, akaliitia jina la Bwana.” Vilevile
tunasoma kuwa Yakobo alijenga madhabahu na kubadilisha jina la Luzu kuwa
Betheli Mwanzo 28:11-19 “11 Akafika mahali fulani akakaa huko usiku
kucha, maana jua lilikuwa limekuchwa; akatwaa jiwe moja la mahali pale
akaliweka chini ya kichwa chake, akalala usingizi pale pale. 12 Akaota ndoto;
na tazama, ngazi imesimamishwa juu ya nchi, na ncha yake yafika mbinguni. Tena,
tazama, malaika wa Mungu wanapanda, na kushuka juu yake. 13 Na tazama, Bwana
amesimama juu yake, akasema, Mimi ni Bwana, Mungu wa Ibrahimu baba yako, na
Mungu wa Isaka; nchi hii uilalayo nitakupa wewe na uzao wako. ……………………….. 16
Yakobo akaamka katika usingizi wake, akasema, Kweli Bwana yupo mahali hapa,
wala mimi sikujua. 17 Naye akaogopa akasema, Mahali hapa panatisha kama nini!
Bila shaka, hapa ni nyumba ya Mungu, napo ndipo lango la mbinguni. 18 Yakobo akaondoka asubuhi na mapema,
akalitwaa lile jiwe aliloliweka chini ya kichwa chake, akalisimamisha kama
nguzo, na kumimina mafuta juu yake. 19 Akaita jina la mahali pale Betheli;
lakini jina la mji ule hapo kwanza uliitwa Luzu.
Yakobo
alilala mahali ambapo palikuwa na madhabahu iliyojengwa na Baba yake Ibrahimu
wakati bado anaitwa Abramu, alipokuwa amelala akaona malaika wakipanda na
kushuka kutoka mbinguni na akamuoa BWANA, haya yote yalitokea kwasababu
madhabahu iliyojengwa hapo ilimkaribisha BWANA kumiliki mahali pale (Luzu)
ambapo Yakobo alibadilisha jina la mahali hapo na kupaita Betheli.
Miaka mingi
baadae wana wa Israeli walimkosea BWANA na kuitumikia miungu mingine BWANA
akakasirika na kuwatoa wote katika nchi yao (ambapo pana madhabahu ya Jehova)
na kuwapeleka mbali na uso wake isipokuwa kabila la Yuda. Baada ya Israeli
kuondolewa katika nchi yao Mfalme wa Ashuru akawaleta wageni kutoka Babeli, na
Kutha, na Ava, na Hamathi, na Sefarvaimu wasiomjua Jehova, wakakaa katika ardhi
ya Samaria (Betheli) palipokuwa na madhabahu ya Jehova. Wageni hawa walianza
kupokea mapigo makali kwani hawakujua madhabahu ya Betheli ilimkaribisha Mungu
mahali pale na kama Mungu alikuwepo basi lazima taratibu na kanuni zake
zizingatiwe, na hao wageni walikuja na miungu yao hawakufuata tarajibu za
Jehova nao wakliwa na Simba kama tunavyosoma katika 2Falme
17:24-28“24
Naye mfalme wa Ashuru akaleta watu kutoka Babeli, na Kutha, na Ava, na Hamathi,
na Sefarvaimu, akawaweka katika miji ya Samaria badala ya wana wa Israeli;
wakaumiliki Samaria, wakakaa katika miji yake. 25 Basi ikawa, wakati ule
walipoanza kukaa huko, hawakumcha Bwana; kwa hiyo Bwana akapeleka simba kati
yao, nao wakawaua baadhi yao. 26 Kwa hiyo wakamwambia mfalme wa Ashuru,
wakasema, Wale wa mataifa uliowahamisha, na kuwaweka katika miji ya Samaria,
hawaijui kawaida ya Mungu wa nchi; kwa hiyo amepeleka simba kati yao, na
tazama, wanawaua, kwa sababu hawaijui kawaida ya Mungu wa nchi. 27 Ndipo mfalme
wa Ashuru akatoa amri, akasema, Mpelekeni mmojawapo wa makuhani, mliowachukua
kutoka huko; aende akakae huko, akawafundishe kawaida ya Mungu wa nchi. 28 Basi
mmoja wa makuhani waliochukuliwa kutoka Samaria akaenda akakaa katika Betheli,
akawafundisha jinsi ilivyowapasa kumcha Bwana.”
Ninachotaka
kukufundisha hapa ni kwamba, kwa kujenga ile madhabahu ya Betheli Abramu
(Ibrahimu) na Yakobo (Israeli) walimkaribisha Roho wa Mungu katika ardhi
waliyoikalia na walipojenga hiyo madhabahu na kwaajili hiyo Jehova alimiliki
ardhi ya nchi ile ambayo madhabahu ya Jehova ilijengwa. Swali langu kwako ni
haya;
i.Unafahamu aliyekutangulia mahali ulipo sasa
alimjengea nani madhabahu na kumpa milki ya ardhi hiyo? (Nyumba unayoishi,
Ofisini, Kwenye Biashara, Shule/chuo unaposema, Kanisa unaloabudu n.k)
ii.Unafahamu ardhi unayoikalia inamilikiwa na Mungu
yupi? Je ni Jehova au ni mizimu
iii.Unafahamu kuwa matatizo ya maisha yako
yametokana na wewe kukaa katika ardhi inayomilikiwa na miungu mingine?
iv.Unafahamu matatizo ya maisha yako
yanasababishwa na wewe kuiacha sheria ya BWANA katika ardhi ya watakatifu wa
Mungu?
Unapokuwa
unajibu maswali hayo zingatia kuwa huwezi kumiliki na kutawala mahali kama
haujamjengea BWANA madhabahu kwanza na kuhakikisha madhabahu zilizotangulia
zimevunjwa zote.
3.
Inaleta
zile roho zilizoabudiwa zinamiliki anga na hali ya hewa ya eneo ambalo
madhabahu inakaa
Jambo lingine ambalo madhabahu
inafanya mahali ilipojengwa ni kuleta roho zilizoabudiwa kumiliki anga la
mahali hapo. Kwa wale wenyeji wa mkoa wa Mwanza utakuwa unafahamu kuwa wakati
wa ukame wazee wa mila huchukua sadaka za nafaka kwa kila mwanajamii
(mwananzengo) na kuzipeleka sadaka hizo kwa miungu yao ili miungu hiyo iruhusu
mvua kwakuwa madhabahu za miungu hiyo imewapa uhalali wa kumiliki anga la
mahali pale pamoja na hali ya hewa ya eneo hilo.
Unaposoma kwa habari ya nchi ya
uajemi ambayo walikuwa wakiabudu miungu, Biblia inatufundisha kuwa anga la nchi
ile lilikabidhiwa kwa miungu ya nchi hata wakamzuia Yesu asiweze kumfikia
Danieli kwa wakati alipomuita Daniel
10:1-21 “1 Katika mwaka wa tatu wa Koreshi, mfalme wa Uajemi, Danieli,
ambaye jina lake aliitwa Belteshaza, alifunuliwa neno; na neno lile lilikuwa
kweli; maana ni vita vikubwa; naye akalifahamu neno lile, akaelewa na maono
hayo. 2 Katika siku zile mimi, Danieli, nalikuwa nikiomboleza muda wa majuma
matatu kamili. 3 Sikula chakula kitamu, wala nyama wala divai haikuingia
kinywani mwangu, wala sikujipaka mafuta kabisa, hata majuma matatu kamili
yalipotimia. 4 Na siku ya ishirini na nne ya mwezi wa kwanza, nilipokuwa kando
ya ule mto mkubwa, Hidekeli; 5 naliinua macho yangu, nikatazama, na kumbe, mtu
aliyevikwa nguo za kitani, viuno vyake vimefungwa dhahabu safi ya Ufazi;12
Ndipo akaniambia, Usiogope, Danieli; kwa maana tangu siku ile ya kwanza
ulipotia moyo wako ufahamu, na kujinyenyekeza mbele za Mungu wako, maneno yako
yalisikiwa; nami nimekuja kwa ajili ya maneno yako. 13 Lakini mkuu wa ufalme wa Uajemi alinipinga siku ishirini na moja; bali,
tazama, huyo Mikaeli, mmoja wa hao wakuu wa mbele, akaja kunisaidia; nami
nikamwacha huko pamoja na wafalme wa Uajemi………….. 20 Ndipo akasema, Je! Unajua
sababu hata nikakujia? Na sasa nitarudi ili nipigane na mkuu wa Uajemi; nami
nitakapotoka huku, tazama, mkuu wa Uyunani atakuja…….”
Ukisoma kwa makini mstari wa
kwanza utaona habari ya mfalme wa uajemi, kwa maana kuwa nchi ilikuwa na
mwanadamu kiongozi aliyeitwa Koreshi ambaye ndiye mfalme wa uajemi; lakini pia
katika mstari wa 13 utaona kuwa nchi hiyo hiyo inae mkuu wa ufalme wa uajemi
(Huyu yupo rohoni) ambaye amelishikilia anga la Uajemi na anayo mamlaka na
jeshi kwani alimpinga Yesu kwa siku ishirini na moja.
Hata kwa upande wa Nuru
(Jehova); kama Mungu akijengewa madhabahu katika nchi vivyo hivyo anamiliki
anga na hali ya hewa ya nchi ambayo madhabahu yake imejengwa, na ndio maana
kama kukiwa na tatizo la ukame makuhani (wachungaji, wainjilisti nk) huenda
mbele za mungu kuomba mvua na inanyesha (Soma habari za Eliya 1Falme 18).
Ukisoma Kumbukumbu la torati 28:15, 23-24 “15 Lakini itakuwa usipotaka kuisikiza sauti ya Bwana, Mungu wako,
usiyaangalie kufanya maagizo yake yote na amri zake, nikuagizazo hivi leo,
ndipo zitakapokujia laana hizi zote na kukupata. 23 Na mbingu zako zilizo juu
ya kichwa chako zitakuwa shaba, na nchi iliyo chini yako itakuwa chuma. 24
Bwana atafanya mvua ya nchi yako iwe vumbi na mchanga; itakujilia juu yako
kutoka mbinguni hata uangamie.
Bwana Mungu anaongea na watu
wake Israeli na kuwapa maonyo ikiwa hawataisikia sauti yake, katika maonyo haya
inaonesha uwezo wa Mungu juu ya hali ya hewa ikiwa Israeli watamuacha Mungu.
Ukisoma 2Nyakati 7:12-14 “12 Bwana
akamtokea Sulemani usiku, akamwambia, Nimesikia uliyoyaomba, na mahali hapa
nimejichagulia kuwa nyumba ya dhabihu. 13 Nikizifunga mbingu isiwe mvua, tena
nikiamuru nzige kula nchi, au nikiwapelekea watu wangu tauni; 14 ikiwa watu wangu,
walioitwa kwa jina langu, watajinyenyekesha, na kuomba, na kunitafuta uso, na
kuziacha njia zao mbaya; basi, nitasikia toka mbinguni, na kuwasamehe dhambi
yao, na kuiponya nchi yao.”
Mtu wa Mungu nataka ufahamu
kuwa panakuwepo madhabahu mahali fulani (Nchi, Mkoa, Wilaya n.k), madhabahu
hiyo inaleta zile roho zinazoabudiwa/zilizoabudiwa kumiliki anga na hali ya
hewa ya mahali hapo. Unapoaliangali suala la roho kumiliki anga na hali ya hewa
usiangalie kwa mfumo wa nchi na mkoa tu! Kuna watu katika familia/biashara/kazi/ndoa
na anga lao limemilikiwa na mizimu kwa sababu familia yao imejenga madhabahu na
hiyo madhabahu imeruhusu roho za mizimu kutawala anga la familia katika ndoa,
kazi, biashara.
4.
Inaleta
zile roho zilizoabudiwa zinakamata ufahamu/moyo/nafsi za watu wa eneo ambalo
madhabahu inakaa
Jambo lingine muhimu kufahamu
ni hili; madhabahu inapokuwepo mahali fulani inaleta zile roho
zilizoabudiwa/zinazoabudiwa na zile roho zinakamata ufahamu/moyo/nafsi ya watu
wanaoiabudu madhabahu hiyo. Neno la Mungu linatufundisha kwamba watu wanaiabudu
miungu wanafana nayo kama tunavyosoma katika Zaburi 115:4-8 “4 Sanamu zao
ni fedha na dhahabu, Kazi ya mikono ya wanadamu. 5 Zina vinywa lakini hazisemi,
Zina macho lakini hazioni, 6 Zina masikio lakini hazisikii, Zina pua lakini
hazisikii harufu, 7 Mikono lakini hazishiki, miguu lakini haziendi, Wala
hazitoi sauti kwa koo zake. 8 Wazifanyao watafanana nazo, Kila mmoja
anayezitumainia.”
Kama wewe ni muombaji na
unataka kulishughulikia jambo katika eno fulani lazima ushughulikie kwanza
madhabahu inayoita roho zinazoabudiwa mahali hapo, bila kufanya hivyo (kuvunja
madhabahu kwanza) hizo roho haziwezi kuachia ufahamu wa watu ambao
wamekabidhiwa katika hizo madhabahu, ndio maana BWANA alimuagiza Gideoni
kuvunja madhabahu ya baali iliyojengwa na baba yake Gideoni mzee Yoashi (Waamuzi 6:25 “Ikawa usiku uo huo Bwana akamwambia, Mtwae ng'ombe wa baba yako, yaani
ng'ombe wa pili, wa miaka saba, ukaiangushe madhabahu ya Baali, aliyo nayo baba
yako, ukaikate Ashera ile iliyo karibu nayo;”)na mara baada ya kuvunja ile madhabahu zile roho zikamuachia
mzee Yoashi na watu wote wa mji ule ufahamu wao ukahuishwa (Waamuzi 6:28-32)
Mtu mmoja aliyeitwa Yeroboamu
alifahamu nguvu ya madhabahu katika kukamata ufahamu wa watu. Hivyo basi, Yeroboamu
alipokuwa mfalme (Ufalme huu aliupata kwa kosa la mfalme Sulemani, yaani
haikuwa haki yake kuwa mfalme ila alipewa na Mungu badala ya Rehoboamu kama
adhabu kwa Sulemani alipomuacha Mungu) alijenga madhabahu ya miungu ili
kuwazuia Israeli wasiende Yerusalemu kwa kuofia kuwa ufahamu wao utashikwa kwa
nguvu ya madhabahu iliyokuwapo Yerusalemu na watu watamrudia Rehoboamu na yeye
Yeroboamu kuukosa ufalme.
1Wafalme
12:25-30 “25 Ndipo Yeroboamu
akajenga Shekemu katika milima ya Efraimu, akakaa huko. Akatoka huko akajenga
Penueli. 26 Yeroboamu akasema moyoni mwake, Basi ufalme utairudia nyumba ya
Daudi. 27 Kama watu hawa wakipanda
kwenda kutoa dhabihu katika nyumba ya Bwana huko Yerusalemu, ndipo mioyo ya
watu hawa itamrudia bwana wao, yaani Rehoboamu, mfalme wa Yuda; nao wataniua
mimi, na kumrudia Rehoboamu, mfalme wa Yuda. 28 Kwa hiyo mfalme akafanya
shauri, akafanyiza ng'ombe wawili wa dhahabu, akawaambia watu, Ni vigumu kwenu
kupanda kwenda Yerusalemu; tazama, hii ndiyo miungu yenu, enyi Israeli,
iliyowapandisha kutoka nchi ya Misri. 29 Akamweka mmoja katika Betheli, na wa
pili akamweka katika Dani. 30 Jambo hili likawa dhambi, maana watu walikwenda
kuabudu mbele ya kila mmoja, hata huko Dani.”
Ukisoma mstari wa 27 Yeroboamu
anasema “Kama watu hawa wakipanda kwenda
kutoa dhabihu katika nyumba ya Bwana huko Yerusalemu, ndipo mioyo ya watu hawa
itamrudia bwana wao, yaani Rehoboamu, mfalme wa Yuda; nao wataniua mimi, na
kumrudia Rehoboamu, mfalme wa Yuda” alifahamu nguvu ya kubadilisha
mioyo/ufahamu/fikra za watu upo kwenye madhabahu.
5.
Madhabahu
inatoa mwelekeo wa maisha ya watu wa eneo lote ambapo hiyo madhabahu inamiliki
Hali ya maisha ya watu katika
eneo fulani kuanzia mtu binafsi, familia, mkoa au nchi inategemea sana na
madhabahu iliyopo katika eneo hilo, kimsingi muonekano wan chi kwa macho ya
kibinadamu (iwe ni jangwa au misitu, milima au mabonde) hauwezi kutoa mwelekeo
wa sehemu hiyo kama madhabahu inavyoweza kufanya. Hapa utapata majibu ya
maswali mengi yanayouliza ni kwanini nchi za Afrika ziko nyuma kimaendeleo japo
zimebarikiwa kwa rasilimali nyingi na nchi kama Israeli iliyopo jangwani haina
rasilimali nyingi lakini imepiga hatua kubwa sana kimaendeleo, jibu ni
madhabahu! Madhabahu iliyopo ndio inayoamua muelekeo wa maisha ya watu waishio
mahali hapo.
Hata kama umeokoka na unakaa
mahali penye madhabahu za kichawi/kiganga fahamu ya kwamba mwelekeo wa maisha
yako utakuwa sawa na wanaomiliki hiyo madhabahu, jambo kama ndilo lilimpata
Gideoni; Malaika wa Bwana anamuita kuwa ni shujaa lakini yeye amekuwa masikini
kutokana na madhabahu ya baali ilikuwa imejengwa na baba yake (Waamuzi 6)
Vilevile
ukisoma 2Falme 17:24-28“24 Naye mfalme wa Ashuru akaleta watu
kutoka Babeli, na Kutha, na Ava, na Hamathi, na Sefarvaimu, akawaweka katika
miji ya Samaria badala ya wana wa Israeli; wakaumiliki Samaria, wakakaa katika
miji yake. 25 Basi ikawa, wakati ule walipoanza kukaa huko, hawakumcha Bwana;
kwa hiyo Bwana akapeleka simba kati yao, nao wakawaua baadhi yao. 26 Kwa hiyo
wakamwambia mfalme wa Ashuru, wakasema, Wale wa mataifa uliowahamisha, na
kuwaweka katika miji ya Samaria, hawaijui kawaida ya Mungu wa nchi; kwa hiyo
amepeleka simba kati yao, na tazama, wanawaua, kwa sababu hawaijui kawaida ya
Mungu wa nchi. 27 Ndipo mfalme wa Ashuru akatoa amri, akasema, Mpelekeni mmojawapo
wa makuhani, mliowachukua kutoka huko; aende akakae huko, akawafundishe kawaida
ya Mungu wa nchi. 28 Basi mmoja wa makuhani waliochukuliwa kutoka Samaria
akaenda akakaa katika Betheli, akawafundisha jinsi ilivyowapasa kumcha Bwana.”
utaona kuwa hata namna ya ibada
huamuliwa na madhabahu iliyopo mahali unapokaa wewe ndio maana mfalme wa Ashuru
alipowaleta watu kutoka Babeli, na Kutha, na Ava, na Hamathi, na Sefarvaimu,
akawaweka katika miji ya Samaria ambapo Israeli walikaa na palikuwa na mdhabahu
ya Jehova, madhabhu ya Jehova ndio iliyoamua aina ya maisha (lifestyle) ya
kuishi katika nchi ya Samaria.
Jambo muhimu lakufahamu hapa ni
kwamba unapoenda kuishi mahali popote iwe umepanga au umejenga, kumbuka kujenga
madhabahu ya Jehova kabla ya jambo lolote ili maisha ya mahali hapo yaamuliwe
na madhabahu ya Jehova na sio madhabahu za kichawi.
MAMBO
AMBAYO ARDHI INAWEZA KUFANYA/KUFANYIWA NA KUSHIKILIA TATIZO KATIKA MAISHA YAKO
1.
Inaweza
kupokea laana kwaajili ya mtu na kuitekeleza hiyo laana
Katika kitabu cha Mwanzo baada
ya Adam na Mkewe kuasi jambo la ajabu na kushangaza linatokea na Bwana Mungu
anaisemesha ardhi tunaona kuwa ardhi inalaaniwa kwaajili ya Adamu, hapo
tunajifunza kuwa ardhi inaweza kupokea laana kwaajili ya mtu fulani na ikaibeba
kwaajili yake tu!
Mwanzo
3:17-19“17 Akamwambia Adamu,
Kwa kuwa umeisikiliza sauti ya mke wako, ukala matunda ya mti ambao
nalikuagiza, nikisema, Usiyale; ardhi imelaaniwa kwa ajili yako; kwa uchungu
utakula mazao yake siku zote za maisha yako; 18 michongoma na miiba itakuzalia,
nawe utakula mboga za kondeni; 19 kwa jasho la uso wako utakula chakula, hata
utakapoirudia ardhi, ambayo katika hiyo ulitwaliwa; kwa maana u mavumbi wewe,
nawe mavumbini utarudi.”
2.
Ardhi
inaposemeshwa kwa habari za mtu Fulani au kitu Fulani inaweza kutunza
kumbukumbu za maisha yako
Ardhi inaweza kuwa kama chombo
cha cha kunasia kumbukumbu na kuzihifadhi mpaka muda na wakati ambao kumbukumbu
hizo zinazhitajika kwaajili ya utekelezaji wa mpango fulani kama tunavyosoma katika Yeremia
22:29-30“29 Ee nchi, nchi, nchi,
lisikie neno la Bwana. 30 Bwana asema hivi, Andikeni habari za mtu huyu kwamba
hana watoto, kwamba mtu huyu hatafanikiwa siku zake zote; maana hapana mtu
katika wazao wake atakayefanikiwa, akiketi katika kiti cha enzi cha Daudi, na
kutawala tena katika Yuda.”
Hii ndio sababu kuna mambo
ambayo yanaipata familia yako kwa watu wenye umri fulani tu au baada ya
miezi/miaka fulani kuna jambo la uharibifu lazima litokee, mambo haya yanakuwa
yalifanyika katika madhabahu na ardhi inayanakili/inayahifadhi mpaka
utakapotimia muda na wakati muafaka wa kuliacha hilo jambo.
3.
Ardhi
inaandika na kutoa taarifa juu yako
Vilevile ardhi inaweza kuwa
karani wa kikao ambaye anaandika taarifa za vikao vingi na kuzitoa taarifa hizo
pale zinapohitajika kutolewa. Na hii ndio maana kuna watu wameandikiwa taarifa
za kuwa waganga/wachawi katika familia zao na kila anapohama wilaya/mkoa/nchi
bado anakutana na wachawi/waganga wan chi hiyo wakimfahamu vizuri. Kuna watu
wameandikiwa kuwa hawataoa au hawataolewa, kila anapotokea mchumba basi ardhi
inafungua kumbukumbu hiyo na kutoa habari kuhusu mtu kutoolewa au kutooa kama
tunavyosoma katika Yeremia 17:13 “Ee Bwana, tumaini la Israeli, wote wakuachao watatahayarika. Wao
watakaojitenga nami wataandikwa katika mchanga, kwa sababu wamemwacha Bwana,
kisima cha maji yaliyo hai.”
4.
Ardhi
inaweza kuolewa na miungu mingine
Isaya
62:4“Hutaitwa tena
Aliyeachwa, wala nchi yako haitaitwa tena, Ukiwa; bali utaitwa Hefsiba; na nchi
yako Beula; kwa kuwa Bwana anakufurahia, na nchi yako itaolewa.”
Ardhi ya eneo
unalotoka/unapoishi/unapofanya kazi/unaposoma/unapoabudu inaweza kuolewa na
kuwa chini ya bwana fulani (mfano inaweza kuolewa na ibilisi/miungu/mizimu)
hivyo watu wote wakaao mahali hapo kwenye ardhi iliyoolewa wanakuwa chini ya
mamlaka ya aliyeioa hiyo ardhi na ardhi inatekeleza maelekezo ya aliyeioa.
Mtu wa Mungu nataka
nikueleweshe zaidi juu ya jambo hili; kama vile mwanamke anapoolewa na kuwa
chini ya utawala wa mume wake kama yanenavyo maandiko “22 Enyi wake, watiini waume zenu kama kumtii Bwana wetu. 23 Kwa maana
mume ni kichwa cha mkewe, kama Kristo naye ni kichwa cha Kanisa; naye ni
mwokozi wa mwili. 24 Lakini kama vile Kanisa limtiivyo Kristo vivyo hivyo wake
nao wawatii waume zao katika kila jambo.” Waefeso 5:22-24. Kwa namna hiyo hiyo ardhi iliyoolewa inaongozwa na
mume aliyeioa; sasa basi pale ardhi ilipoolewa na mashetani uwe na hakika
italazimisha mambo yote yanayotendeka katika ardhi hiyo yawe ya kishetani kwani
itakuwa inatii maelekezo ya bwana wake yaani ibilisi. Hakikisha ardhi
unayoikalia katika eneo lolote (kazini,
nyumbani, kanisani, shuleni …) umeifungisha ndoa na Kristo Yesu ili kila
anayekuja juu ya ardhi hiyo atiishwe kufanya yale ya Kristo Yesu.
5.
Uzao wa
ardhi unaweza kubarikiwa na pia unaweza kulaaniwa
Ardhi haiwezi kuzaa pasipo
kuolewa na kuzaa huko kunategemea na Mungu/mungu aliyeioa ardhi hiyo, Kumb 28:4,18“4 Utabarikiwa uzao wa tumbo lako, na uzao wa nchi yako, na uzao wa
wanyama wako wa mifugo, maongeo ya ng'ombe wako, na wadogo wa kondoo
zako…………….. 18 Utalaaniwa uzao wa tumbo lako, na uzao wa nchi yako, maongeo ya
ng'ombe wako, na wadogo wa kondoo zako.” Neno la Mungu linazungumzia habari
ya kubarikiwa na kulaaniwa kwa uzao wa tumbo (mwanadamu) na uzao wa nchi
(ardhi). Ndio maana kuna maeneo hata ulime kwa kufuata kanuni bora za kilimo,
uweke mbolea mvua inyeshe bado hauwezi kuvuna na kufuga, sababu ni ardhi
imelaaniwa katika uzao wake. Ardhi inaweza kuwa haizai kutokana na laana.
Ukiisemesha tu kwa toba ardhi inaweza kuzaa kwaajili yako hatakama haizai kwaajili
ya wengine. Na kama watu wa Mungu wakimlilia Mungu (toba), Mungu anasema “13 Nikizifunga mbingu isiwe mvua, tena
nikiamuru nzige kula nchi, au nikiwapelekea watu wangu tauni; 14 ikiwa watu
wangu, walioitwa kwa jina langu, watajinyenyekesha, na kuomba, na kunitafuta
uso, na kuziacha njia zao mbaya; basi, nitasikia toka mbinguni, na kuwasamehe
dhambi yao, na kuiponya nchi yao” 2Nyakati
7:13-14
6.
Ardhi
inaweza kutumika kupeleka maangamizi kwa familia/mji fulani
Ardhi inaweza kusemeshwa ili
kupeleka uharibifu/maangamizi kuelekea kwenye mji ambao unalengwa kupokea
maangamizi hayo.
Ezekiel
21:18-24“18
Neno la Bwana likanijia tena, kusema, 19 Tena, mwanadamu, ujiwekee njia mbili,
upanga wa mfalme wa Babeli upate kuja; hizo mbili zitatoka katika nchi moja;
ukaandike mahali, upaandike penye kichwa cha njia iendayo mjini. 20 Utaagiza
njia, upanga upate kufikilia Raba wa wana wa Amoni, na kufikilia Yuda katika
Yerusalemu, wenye maboma. 21 Maana mfalme wa Babeli alisimama penye njia panda,
penye kichwa cha njia hizo mbili, ili atumie uganga; aliitikisa mishale huko na
huko, akaziuliza terafi, akayatazama maini. 22 Katika mkono wake wa kuume
alikuwa na kura ya Yerusalemu, kuviweka vyombo vya kubomolea, kufumbua kinywa
katika machinjo, kuiinua sauti kwa kupiga kelele sana, kuweka vyombo vya
kubomolea juu ya malango, kufanya maboma, na kujenga ngome. 23 Jambo hili
litakuwa kwao kama uganga wa ubatili, mbele ya macho yao waliowaapia viapo
lakini ataufanya uovu ukumbukwe, ili kwamba wakamatwe. 24 Basi Bwana MUNGU
asema hivi; Kwa kuwa mmeufanya uovu wenu ukumbukwe, kwa maana makosa yenu
yamefunuliwa, hata dhambi zenu zikaonekana kwa matendo yenu; kwa sababu
mmekumbukwa, mtakamatwa kwa mkono.”
Neno la Mungu linamjia nabii
Ezekiel na kumuelekeza kuweka upanga kwenye njia mbili (njia panda) na kuandika
kwa maelekezo katika ardhi ya njia hizo mbili ili upanga ukaipige miji ya Raba
wa wana wa Amoni, na kufikilia Yuda katika Yerusalemu kutokana na uganga
uliofanywa na mfalme wa Babeli. Mistari hii inatuonesha kwamba ardhi inaweza
kupokea maelekezo ya uharibifu na kwenda kuyatekeleza kwa muhusika.
Mtu wa Mungu achilia damu ya
Yesu futa maandiko/maelekezo yote ya uharibifu ambayo shetani kupitia mawakala
wake waliandika katika ardhi ili ikifika muda na wakati jambo baya likupate (Waebrania 12:24 “na Yesu mjumbe wa agano jipya, na damu ya kunyunyizwa, inenayo mema
kuliko ile ya Habili.”)
7.
Ardhi
inaweka kumbukumbu ya nyayo za kila anayeikanyaga na wachawi wanaweza kuchukua
nyayo zako kwenye ardhi.
Mtu wa Mungu usishangae pale
unaposikia kuwa nyayo zako au za mtu fulani zimechukuliwa na kuhifadhiwa na
wachawi ili kukuloga, jambo hilo linawezekana kabisa kwani ardhi inauwezo wa
kuifadhi kumbukumbu ya nyayo zako. Ukisoma katika Zaburi 56:5-6“5 Mchana kutwa
wanapotosha maneno yangu, Mawazo yao yote ni juu yangu kunitakia mabaya. 6 Hukutanika, hujificha, huziangalia nyayo
zangu, Kwa kuwa wameniotea nafsi yangu.”
Vilevile tunasoma katika Ayubu 33:11 “Hunitia miguu yangu katika mkatale, Na mapito yangu yote
huyapeleleza.” Ayubu 13:27“Waitia miguu yangu katika mkatale, na
kuyaaua mapito yangu yote; Wajiandikia alama kuzizunguka nyayo za miguu yangu;”
Mikatale ni kitu kinachofunga,
watu wanaweza kuzichukua nyayo zako na kuzifunga ili wewe usifanikiwe,
njia/mapito yako yote wanayaua na mipango yako ya mafanikio inateketea kabisa,
wanaandika na kusemesha nyayo za miguu yako ili usifanikiwe. Kupitia ardhi
ambapo ndipo zinpokanyaga nyayo, shetani anafunga watu na mafanikio yao yote.
Ndugu fahamu kwamba mipango
yote unayoipanga inaweza kuharibiwa na wachawi kupitia nyayo zako, hivyo basi kwa
mtu uliyeokaka unapaswa kuombea nyayo zako ili kila unapokanyaga unaachilia damu
ya Yesu, moto wa Mungu na unamiliki na kutawala sawasawa na Neno la Mungu
kutoka Yoshua 1:3 “Kila mahali zitakapopakanyaga nyayo za
miguu yenu, nimewapa ninyi, kama nilivyomwapia Musa.”
8.
Ardhi
inaweza kuwatapika wenyeji na kuwatoa
Mtu wa Mungu usishangae kuona
katika miji/mikoa/wilaya fulani wenyeji wa sehemu hizo sio waliojenga na sio
wanaoishi katika miji hiyo bali ni wageni ndio wamemiliki na kutawala maeneo
yao, hali hii inaelezeka kibiblia kabisa kwamba ardhi inaweza
kuwakataa/kuwatapika wenyeji kwaajili ya dhambi zao na maovu yao (unajisi).
Walawi
18:24-25 “24 Msijitie unajisi
katika mambo hayo hata mojawapo; kwa maana hizo taifa nitakazozitoa mbele zenu
zimekuwa najisi kwa mambo hayo yote; 25 na hiyo nchi imekuwa najisi; kwa ajili
ya hayo naipatiliza uovu wake juu yake, na hiyo nchi yatapika wenyeji wake na
kuwatoa.”
9.
Ardhi
inaweza kuzaa mapooza
Ardhi ikiwa najisi kwasababu ya
wanadamu kuifanya iwe najisi, Mungu anaachilia adhabu juu ya hiyo nchi na nchi
inaanza kuzaa mapooza.
2Wafalme
2:19-22 “19 Watu wa mjini
wakamwambia Elisha, Angalia, twakusihi, mahali pa mji huu ni pazuri, kama bwana
wangu aonavyo; lakini maji yake hayafai, na nchi huzaa mapooza. 20 Akasema,
Nileteeni chombo kipya, mtie chumvi ndani yake. Wakamletea. 21 Akatoka akaenda
mpaka chemchemi ya maji, akatupa ile chumvi humo ndani, akasema, Bwana asema
hivi, Nimeyaponya maji haya; hakutatoka huko tena kufa wala kuzaa mapooza. 22
Hivyo yale maji yakapona hata leo, sawasawa na neno la Elisha alilolinena.”
Ndio maana Mungu anasema
ataiponya nchi ikiwa watu wake walioitwa kwa jina lake watajinyenyekesha na
kuomba, hii inamaana kuwa ardhi inaweza kuwa na ugonjwa na ndio maana Mungui
anaweza kuiponya kwani hauwezi kuponya kisichoumwa.
10.Damu
ikimwagika kwenye ardhi, ardhi haiwezi kunena mema
Damu ya mwanadamu au mnyama
yoyote ikimwagika kwenye kwenye ardhi inayotabia ya kuita damu nyingine ili
kufidia ile iliyomwagika, kama hali hii isiposhughulikiwa mapema basi huendelea
na kuwa ni mzunguko usio katika
2Samwel
21:1-4“1 Kulikuwa na njaa siku
za Daudi muda wa miaka mitatu, mwaka kwa mwaka; naye Daudi akautafuta uso wa
Bwana. Bwana akasema, Ni kwa ajili ya Sauli, na kwa nyumba yake yenye damu, kwa
kuwa aliwaua hao Wagibeoni. 2 Ndipo mfalme akawaita Wagibeoni akawaambia; (basi
Wagibeoni si wa wana wa Israeli, ila ni wa masalio ya Waamori; na wana wa
Israeli walikuwa wamewaapia; lakini Sauli akatafuta kuwaua katika juhudi yake
kwa ajili ya wana wa Israeli na Yuda;) 3 basi Daudi akawaambia hao Wagibeoni,
Niwatendee nini? Na kwa tendo gani nifanye upatanisho, mpate kuubariki urithi
wa Bwana? 4 Na hao Wagibeoni wakamwambia, Si jambo la fedha wala dhahabu lililo
kati ya sisi na Sauli, au nyumba yake; wala si juu yetu kumwua mtu ye yote
katika Israeli. Akasema Mtakayoyanena, ndiyo nitakayowatendea ninyi.”
Baada ya damu ya Wagibeoni
kumwagika ardhi ilinasa mara moja taarifa zilizoko katika ile damu kuwa
imemwagwa damu isiyo na hatia na ardhi ikatoa taarifa kwa mbingu kwamba mvua
isinyeshe. Hii ni kwasababu ardhi inao uwezo wa kusikia, kutunza kile
ilichosikia na kutekeleza kile ilichosemeshwa
Kumb 30:19-20 “19 Nazishuhudiza mbingu na nchi juu yenu
hivi leo, kuwa nimekuwekea mbele yako uzima na mauti, baraka na laana; basi
chagua uzima, ili uwe hai, wewe na uzao wako; 20 kumpenda Bwana, Mungu wako,
kuitii sauti yake, na kushikamana naye; kwani hiyo ndiyo uzima wako, na wingi
wa siku zako; upate kukaa katika nchi Bwana aliyowaapia baba zako, Ibrahimu, na
Isaka, na Yakobo, kuwa atawapa.”
Musa
anapoongea na wana wa Israel anafanya mbingu na nchi kuwa shahidi ili ikumbukwe
daima
Kumb
31:14-30“24
Basi ikawa hapo Musa alipomaliza kuandika maneno ya torati hii katika chuo,
hata yakaisha, 25 ndipo Musa akawaamuru Walawi waliokuwa wakilichukua sanduku
la agano la Bwana akawaambia, 26 Twaeni chuo hiki cha torati, mkiweke kando ya
sanduku la agano la Bwana, Mungu wenu, ili kiwepo kama shahidi juu yako. 27 Kwa
kuwa uasi wako naujua, na shingo yako ngumu; angalieni, mimi nikali hai pamoja
nanyi leo, mmekuwa waasi juu ya Bwana; siuze nitakapokwisha kufa! 28
Nikutanishieni wazee wote wa kabila zenu, na maakida yenu, ili niseme maneno
haya masikioni mwao, na kuwashuhudizia mbingu na nchi juu yao. 29 Kwa sababu
najua baada ya kufa kwangu mtajiharibu kabisa, na kukengeuka katika njia
niliyowaamuru; nayo mabaya yatawapata siku za mwisho, kwa vile mtakavyofanya
maovu machoni pa Bwana kumtia kasirani kwa kazi ya mikono yenu. 30 Musa akasema
maneno ya wimbo huu masikioni mwa kusanyiko la wana wa Israeli hata yakaisha.” Kumb 32:1“1
Sikilizeni, enyi mbingu, nami nitanena; Na nchi isikie maneno ya kinywa
changu.”
Yeremia
22:29-30“29 Ee
nchi, nchi, nchi, lisikie neno la Bwana. 30 Bwana asema hivi, Andikeni habari
za mtu huyu kwamba hana watoto, kwamba mtu huyu hatafanikiwa siku zake zote;
maana hapana mtu katika wazao wake atakayefanikiwa, akiketi katika kiti cha
enzi cha Daudi, na kutawala tena katika Yuda.”
11.Ardhi inao uwezo wa kufurahi na
kuwafurahisha wanaokaa juu yake kwasababu ya toba iliyofanywa ili kuirejesha
ardhi kwa Mungu
Ardhi
inayoomboleza inanyima Baraka kwa watoto wa Mungu, Yoeli 1:10“10 Shamba
limeharibika, nchi inaomboleza; maana nafaka imeharibika, divai mpya imekauka,
mafuta yamepunguka.” Baada ya kwenda mbele za Mungu kwa toba Mungu anatoa
Baraka juu ya ardhi, ardhi inafurahi na kutoa matunda kama tunavyosoma katika Yoeli 2:21“Ee nchi, usiogope; furahi na kushangilia; kwa kuwa Bwana ametenda
mambo makuu.”
Unapoomba
toba na kubomoa madhabahu za giza na kubariki ardhi nayo ardhi inafurahi
12.Mapepo yanaweza kumilikishwa ardhi na
yakadai kisheria kuwa na uhalali wa kuwepo mahali pale walipomilikishwa
Hii ni moja
ya sababu kubwa kwanini mapepo hukataa kuwaacha baadhi ya watu na kung’ang’ani kwa
muda mrefu ili kuwatesa sana. Ikiwa ardhi imemilikishwa kwa miungu/mizimu/mapepo
kwa njia ya ibada ya kipepo, uwe na hakika kuwa mapepo hayo hayawezi kukubali kuondoka
katika hiyo ardhi kiurahisi rahisi kwani kisheria yamepewa uhalali wa kumiliki na
kutawala eneo nao wanakuwa na hati miliki katika ulimwengu wa roho. Jambo hili lilimtokea
Yesu mwenyewe alipoenda katika nchi ya wagerasi kama tunavyosoma katika Marko 5:1-17“1 Wakafika ng'ambo ya bahari mpaka nchi ya Wagerasi. 2 Na alipokwisha
kushuka chomboni, mara alikutana na mtu, ambaye ametoka makaburini, mwenye pepo
mchafu; 3 makao yake yalikuwa pale makaburini; wala hakuna mtu ye yote
aliyeweza kumfunga tena, hata kwa minyororo; 4 kwa sababu alikuwa amefungwa
mara nyingi kwa pingu na minyororo, akaikata ile minyororo, na kuzivunja-vunja
zile pingu; wala hakuna mtu aliyekuwa na nguvu za kumshinda. 5 Na sikuzote,
usiku na mchana, alikuwako makaburini na milimani, akipiga kelele na
kujikata-kata kwa mawe. 6 Na alipomwona Yesu kwa mbali, alipiga mbio,
akamsujudia; 7 akapiga kelele kwa sauti kuu, akasema, Nina nini nawe, Yesu,
Mwana wa Mungu aliye juu? Nakuapisha kwa Mungu usinitese. 8 Kwa sababu amemwambia,
Ewe pepo mchafu, mtoke mtu huyu. 9 Akamwuliza, Jina lako nani? Akamjibu, Jina
langu ni Legioni, kwa kuwa tu wengi. 10 Akamsihi sana asiwapeleke nje ya nchi
ile. 11 Na hapo milimani palikuwa na kundi kubwa la nguruwe, wakilisha. 12 Pepo
wote wakamsihi, wakisema, Tupeleke katika nguruwe, tupate kuwaingia wao. 13
Akawapa ruhusa. Wale pepo wachafu wakatoka, wakaingia katika wale nguruwe; nalo
kundi lote likatelemka kwa kasi gengeni, wakaingia baharini, wapata elfu mbili;
wakafa baharini. 14 Wachungaji wao wakakimbia, wakaieneza habari mjini na
mashambani. Watu wakatoka walione lililotokea. 15 Wakamwendea Yesu, wakamwona
yule mwenye pepo, ameketi, amevaa nguo, ana akili zake, naye ndiye aliyekuwa na
lile jeshi; wakaogopa. 16 Na wale waliokuwa wameona waliwaeleza ni mambo gani
yaliyompata yule mwenye pepo, na habari za nguruwe. 17 Wakaanza kumsihi aondoke
mipakani mwao.”
Hebu soma
maneno haya kwa kutafakari ………10 Akamsihi
sana asiwapeleke nje ya nchi ile……….17 Wakaanza kumsihi aondoke mipakani mwao.
Mapepo yanamsihi Yesu asiwatoe nje ya mipaka ya nchi ile kwani walijua umiliki wao
upo ndani ya mipaka ya nchi ile kisheria na jambo la kushangaza Yesu akawaacha ndani
ya mipaka ya nchi ile.
Jambo la
pili, wenyeji wa nchi ile wanamsihi Yesu aondoke mipakani mwao; yaani wamegundua
kuwa Yesu anawaharibia mahusiano na miungu yao walioingia nao mikataba ili waimiliki
ardhi ya Wagerasi.
HITIMISHO
Unapoona
jambo limekusumbua muda mrefu na haupati majibu ya tatizo lako, shughulikia madhabhu
na ardhi kwa kadiri ya mafundisho uliyopata katika somo hili
*Samson Mollel 0767 664 338*
