SEMINA YA NENO LA MUNGU NA MWL. CHRISTOPHER MWAKASEGE (Viwanja vya Chuo Kikuu cha Dar es salaam) SOMO: UPONYAJI KWA WALIOVUNJIKA MOYO NA WALIO NA HAJA YA KUPONA.

SIKU YA PILI (07-03-2016)

Mistari ya kusimamia: Isaya 61:1 “Roho ya Bwana MUNGU i juu yangu; kwa sababu Bwana amenitia mafuta niwahubiri wanyenyekevu habari njema; amenituma ili kuwaganga waliovunjika moyo, kuwatangazia mateka uhuru wao, na hao waliofungwa habari za kufunguliwa kwao.” Luka 9:11 “Na makutano walipojua walimfuata; akawakaribisha, akawa akisema nao habari za ufalme wa Mungu, akawaponya wale wenye haja ya kuponywa.”

SWALI LA MSINGI LA KUJIULIZA NA MAJIBU YAKE:

*** IKIWA UMEUMIA MOYONI AU MOYO WAKO UMEVUNJIKA NA HUWEZI KUOMBA UFANYE NINI?

UTANGULIZI:

Dhara mojawapo kubwa la kuvunjika ni mtu kushindwa kuomba

Zab 77:1-4 “1 Nimpazie Mungu sauti yangu, Naam, nimpazie Mungu, naye atanisikia. 2 Siku ya taabu yangu nalimtafuta Bwana; Mkono wangu ulinyoshwa usiku, haukulegea; Nafsi yangu ilikataa kufarijika. 3 Nilipotaka kumkumbuka Mungu nalifadhaika; Nilipotaka kutafakari roho yangu ilizimia. 4 Ulizishika kope za macho yangu zisifumbike; Naliona mashaka nisiweze kunena.”

·         Haijalishi mazingira uliyonayo yanakuruhusu kuomba namna gani, kama moyo umevunjika kumbuka mtu hawezi kuomba.

·         Daudi alikuwa anajua kabisa akiomba MUNGU anamsikia lakini nafsi yake ilikataa kufarijiwa!

·         Mstari wa 4 anasema hata MUNGU alishika kope zake, maana yake MUNGU alimsaidia kutolala ili aombe lakini roho yake ilizimia, nafsi yake ilifadhaika.

Dhara hili ni kubwa sana kwa watu wengi japo wengi hawajajua limetokana na kuvunjika kwa moyo.

Dhara hili uwapata watu wowote wale wenye mwili wa nyama, si watu fulani fulani ni watu wote na kushindwa kujua namna ya kuvuka hapa ni ngumu kuendelea.

Biblia inasema linda sana moyo wako kuliko vyote ulindavyo maana huko ndiko zitokazo chemchem ya uzima. Ukiweza hili itakusaidia kuvuka hata kwa yale uliyotarajia kuja yasipokuja utakuwa salama!

Jifunze kwa Daudi, soma Zaburi zake utagundua na utajifunza jinsi alivyovuka kwenye eneo hili la kulinda moyo wake na mahusiano yake na MUNGU yakazidi kustawi!

MAMBO YA KUFANYA SASA UKIWA KATIKA MAZINGIRA HAYO YA KUVUNJIKA MOYO

1.      Usilalamike bali isemeshe nafsi yako tumaini ulilonalo kwa MUNGU

Zab 77:2 “Siku ya taabu yangu nalimtafuta Bwana; Mkono wangu ulinyoshwa usiku, haukulegea; Nafsi yangu ilikataa kufarijika.”

Mgomvi wake mkubwa alikuwa nafsi yake

Zab 42:3-6 “3 Machozi yangu yamekuwa chakula changu mchana na usiku, Pindi wanaponiambia mchana kutwa, Yuko wapi Mungu wako. 4 Nayakumbuka hayo nikiweka wazi nafsi yangu ndani yangu, Jinsi nilivyokuwa nikienda na mkutano, Na kuwaongoza nyumbani kwa Mungu, Kwa sauti ya furaha na kusifu, mkutano wa sikukuu. 5 Nafsi yangu, kwa nini kuinama, Na kufadhaika ndani yangu? Umtumaini Mungu; Kwa maana nitakuja kumsifu, Aliye afya ya uso wangu, Na Mungu wangu. 6 Nafsi yangu imeinama ndani yangu, kwa hiyo nitakukumbuka, Toka nchi ya Yordani, na Mahermoni, na toka kilima cha Mizari.”

§  Udhaifu wake ulikuwa ni kulalamika

§  Ukiona unalalamika kwenye nyanja yoyote ile jua Umeumia au hujapona bado.

§  Malalamiko uzaa manung'uniko na mwisho wa manung'uniko ni dhambi.

§  Jifunze kuibebesha nafsi yako maandiko, tumaini ulilonalo kwa KRISTO YESU Kivipi?? Kwa njia ya mawazo maana ROHO MTAKATIFU yu ndani yako anapoachilia mistari ndani yako tafakari hiyo!

§  Acha kutafakari na kuwaza matatizo ndani yako

§  Dawa ya nafsi kugeuzwa upya kwa NENO la BWANA

§  Kama huna NENO la kutosha ndani yako si rahisi kumsikia MUNGU na si rahisi kupona.

§  Pia ukiona mtu anakulalamikia ujue AMEACHA KUKUOMBEA.

§  Anayekuombea ANAKUSHAURI.

§  Kulalamika kunaongeza tatizo la KUAMBUKIZANA!

▶MAOMBI: Toba juu ya kulalamika na kuponywa kwa mioyo iliyovunjika na kujeruhiwa!